Мик Шумахер пред враќање во Формула 1: Шампионот верува дека постојат шанси

Според мислењето на двократниот шампион Мик Хакинен, вратите за влез во елитното натпреварување за Мик Шумахер сè уште не се затворени.

Синот на легендарниот возач дебитираше во Формула 1 во 2021 година, но по две сезони во Хаас остана без место во Формула 1.

Хаас одлучи да го замени со сонародникот Нико Хулкенберг, откако Мик Шумахер имаше серија скапи несреќи и не успеа да го следи темпото на Кевин Магнусен.

По напуштањето на американскиот тим, Мик ја презеде улогата на резервен возач во Мерцедес, но истовремено се натпреваруваше и за Алпине во Светското првенство за издржливост (WEC).

На крајот од минатата сезона, се прости од улогата во Мерцедес за да се посвети целосно на својата WEC кариера.

Неодамна призна дека можеби бил премногу фокусиран на “План А”, што го чинеше пропуштени можности за место во Алпине и Aуди, кој влегува во Формула 1 во 2026 година.

Сепак, Мик Хакинен смета дека Мик сè уште има шанса за враќање во Формула 1.

“Мислам дека сè уште има можност да се врати во Формула 1,” изјави Хакинен за Tотал-Моторспорт.

“Вратите сè уште се отворени. Само треба да разговара со вистинските луѓе.”

Една од можните опции би можел да биде Кадилак, кој во 2026 година треба да влезе во Формула 1..

Овој американски проект наскоро би можел да добие конечно одобрение за влез во шампионатот, а познато е дека тие бараат искусен Формула 1 возач.