Меси со фантастичен гол ја отвори сезоната на еден oд најладните натпревари во историјата (Видео)

Фудбалската сезона во Северна Америка се отвори со натпреварите од КОНКАКАФ Лигата на шампионите, а Интер Мајами славеше со гол на Лионел Меси на гости против Спортинг Канзас Сити со резултат 1:0.

Се работи за натпревари од континенталното натпреварување кое започнува од шеснаесеттина финалето, а се играат два натпревари. Во првиот, неуморниот Меси покажа дека годините се само бројка и со еден момент на инспирација донесе значајна предност на својот тим пред реваншот.

Меси вчера играше во најстудените услови во неговата кариера. Во Канзас Сити беше минус 15 степени, со реално чувство од минус 21.

MESSI WITH AN OUTRAGEOUS TOUCH AND WEAK FOOT FINISH TO PUT INTER MIAMI AHEAD IN THE FIRST LEG 😳

(via @FOXSoccer)pic.twitter.com/W034QaF49C

— ESPN FC (@ESPNFC) February 20, 2025

Тоа е официјално еден од најстудените натпревари во историјата на фудбалот во САД, но Меси добро се снајде и покажа дека ниту тоа не може да му наштети.

Се играше 56-та минута кога Серхио Бускетс ја прати топката до Аргентинецот, а тој ја прими на одличен начин со градите и со убав удар го совлада голманот на домаќините.

Tonight’s Kansas City 🆚 Inter Miami is one of the 𝑪𝑶𝑳𝑫𝑬𝑺𝑻 games ever played in the United States 🥶🌡️ pic.twitter.com/qZMBYb0pDZ

— 433 (@433) February 20, 2025

Реванш натпреварот во Мајами е закажан за 26 февруари, а Интер Мајами има значителна предност. Доколку ништо друго, барем играчите на двата тима ќе имаат значително подобри услови за игра во однос на временските прилики.