
Лео Меси имаше навистина добра сезона зад себе, а неговиот фокус, секако кога е во прашање фудбалот, е на Светското првенство кое ќе се одржи следната година во Америка, Канада и Мексико.
Сепак, Меси и неговото семејство добија страшни вести само неколку дена пред новогодишните празници, а и Божиќ.
До кога ќе дишеме отровен воздух!? | Уште еден поткаст
Според информациите на America TV Lam, кои ги пренесоа многу светски медиуми, па дури и шпанскиот AS, вчера тешко настрадала сестрата на Меси, Марија Сол.
Станува збор за 32-годишна девојка која тешко настрадала во сообраќајна несреќа што се случила во Мајами.
Позитивната вест е дека моментално се наоѓа во стабилна состојба, но тоа што е лошо е дека добила тешки повреди.
Новинарот Анхел де Брит тврди дека Марија Сол загубила контрола врз возилото додека возела и удрила во ѕид.
Задобила повеќекратни повреди, кои вклучуваат и скршен пршлен, скршена пета, но и тешки изгореници на делови од телото.
Најверојатно ќе биде потребно долго опоравување, но животот ѝ не е загрозен и тоа е најважното во целата ситуација.