Меси го нема, но затоа Суарез доминира: Интер Мајами обезбеди четвртфинале во Лига Купот (Видео)

Интер Мајами успеа да избори пласман во нокаут фазата од КОНКАКАФ Лига купот, откако на домашен терен извојува значајна победа над мексиканскиот тим УНАМ со резултат 3-1. Со овој триумф, клубот од Флорида го обезбеди второто место во групата, во која се натпреваруваат екипи од САД и Мексико, и сега го очекува името на својот противник во четвртфиналето.

Победата добива уште поголема тежина со оглед на тоа што беше остварена без присуството на најголемата ѕвезда, Лионел Меси, кој поради повреда здобиена на претходниот натпревар ќе биде надвор од терените околу три недели.

Во негово отсуство, сцената ја презеде искусниот уругвајски напаѓач Луис Суарез, кој одигра клучна улога – постигна гол и асистираше за уште два, носејќи го својот тим до победа.

Фото: Принтскрин