Мбапе: Златната топка? Ќе го прашам Модриќ како да ја освојам.

Килијан Мбапе гостува со репрезентацијата на Франција во Сплит, во римејк на финалето на Светското првенство 2018 година.

Французите и Хрватите се среќаваат во четвртфиналето на Лигата на нациите, а од двете страни ќе бидат ѕвездите на Реал Мадрид, Килијан Мбапе и Лука Модриќ.

На прес-конференција за медиумите во Сплит, Мбапе беше прашан за Златната топка, награда која сè уште не ја освоил, а тој одговори:

„Ќе го прашам Лука Модриќ како да ја освојам.“

Модриќ и Мбапе од оваа сезона се соиграчи во Реал каде што Хрватот веќе е постар член.

Да потсетиме, токму во 2018 година Модриќ беше најдобриот играч во светот, кога со Реал ја освои Лигата на шампионите, а својата репрезентација ја предводеше до финалето на Светското првенство.

„Играм со Модриќ во Реал Мадрид, легендарен играч. Задоволство е секој ден да си покрај него. Сè уште има иста желба за врвни натпревари. Огромна чест е да му бидам соиграч“, рече Мбапе.