Роналдо не запира да тресе мрежи: Го постигна и 953. гол во кариерата! (Видео)

Фудбалерите на Ал-Наср славеа на гостувањето кај Неом со резултат 3:1 во рамките на 8-то коло од саудиската Премиер лига, а повторно центарот на вниманието беше Кристијано Роналдо.

Португалскиот напаѓач во 65. минута реализираше пенал со кој го зголеми водството на 2:0, дополнително подобрувајќи ја својата статистика. Сега е на неверојатни 953 постигнати голови во неговата славна кариера. Ова му беше 30. гол откако наполни 40 години. Видео од голот можете да погледнете овде.

Сите клучни моменти на натпреварот се случија во второто полувреме и започнаа со водечкиот гол на гостите кога Анџело се запиша во 47. минута.

Големи проблеми се создадоа за домаќините во 56. минута кога Родригез заработи директен црвен картон, а следеше и веќе споменатиот гол на Роналдо.

𝐖𝐖𝐖𝐖𝐖𝐖𝐖𝐖 for Al Nassr 😎

Leading the table with 24 points from 8 games 👏

Cristiano scores his 30th goal since turning 40 🍷

João Félix can’t stop scoring and is now the Saudi League topscorer ⚽️ pic.twitter.com/phbPUzZsMQ

— 433 (@433) November 8, 2025

Шест минути пред крајот, Абду врати надеж за домаќините, но само две минути подоцна Жоао Феликс постигна гол за конечните 3:1.

Ал-Наср е на врвот на табелата со сите осум победи, водат со три бода пред второпласираниот Ал-Таавон, додека Неом е на седмата позиција.

Сега следува репрезентативна пауза во која Роналдо ќе се обиде да го зголеми својот учинок постигнувајќи голови за португалската репрезентација.

ONE OF THE BEST GOALS YOU’LL EVER SEE

CRISTIANO RONALDO IS HIM 🐐 pic.twitter.com/8gNIEvvuy3

— fan (@NoodleHairCR7) November 8, 2025