Манчестер Сити на полноќ му зададе тежок удар на Реал Мадрид

Преговорите се завршени, младиот фудбалер заминува во Манчестер Сити, иако во Реал Мадрид го детектираа како своето следно дефанзивно засилување.

Реал Мадрид сѐ уште се опоравува од поразот со 2-5 од Барселона во финалето на Шпанскиот Суперкуп. Додека Флорентино Перез и Карло Анчелоти бараат начин да ги подобрат работите, правејќи листа на потенцијални засилувања и за зимата и за летото, Манчестер Сити им нанесе нов удар.

Една од главните желби на Реал во одбранбениот дел беше талентираниот бразилски стопер Витор Реис. Перез го посакуваше по секоја цена, бидејќи е познато какви проблеми има Реал во последната линија низ целата сезона, а сега е објавено дека Сити го купил.

Фудбалскиот инсајдер Фабрицио Романо синоќа објави дека Витор Реис е играч на Сити.