Maнчестер јунајтед е како проколнат: Неверојатна ситуација со тренерите кои си заминаа!

Проблемите во Манчестер Јунајтед на почетокот на сезоната во Премиер лигата се очигледни, бидејќи „црвените ѓаволи“ дури изминатиот викенд ја забележаа првата победа во првенството по три кола. Сепак, уште позначајно ова доцно лето се отказите што тројца поранешни менаџери на овој клуб ги добија во последните денови.

Денеска добивме вест дека, помалку од година по отпуштањето од „Олд Трафорд“, Ерик тен Хаг е отпуштен од Баер Леверкузен, што само го продолжи низот започнат со откази на други експерти кои работеа во Јунајтед.

Фенербахче не му прости на Жозе Мурињо што во втората сезона на Босфорот не успеа да го доведе истанбулскиот тим во Лигата на шампиони, додека потежок старт во новата кампања му донесе отказ и на неговиот норвешки колега Оле Гунар Солскјер во Бешикташ.

Ако ја разгледаме и нестабилната позиција на Рубен Аморим на клупата на Јунајтед, не можеме да ја исклучиме шансата раководството на Манчестер да се обрати кон некој од поранешните менаџери за помош. Но, тоа е малку веројатно, особено кога е во прашање Тен Хаг.