Манчестер јунајтед добива стадион од соништата – ќе има 100.000 седишта, а ќе вреди 2,3 милијарди евра (Видео)

Манчестер јунајтед е уверен дека може да постигне клучни договори кои ќе овозможат продолжување на плановите за изградба на нов стадион со капацитет од 100.000 седишта. Иако Црвените ѓаволи планираат да го напуштат сегашниот дом, имаат намера да останат на легендарната локација на Олд Трафорд додека се гради новиот, раскошен објект. Сепак, пред тој сон да постане реалност, потребно е да се решат низа препреки, пишува Goal.com.

Гигантот на англискиот фудбал уште во март 2025 ја откри скицата за проектот што ко-сопственикот Џим Ретклиф сака да го претвори во Вембли на северот. Се проценува дека овој амбициозен потфат, вреден околу две милијарди фунти (2.3 милијарди евра), би можел да биде завршен до 2030 година.

Иако тоа звучи како оптимистичен рок со оглед на бирократските процедури, клубот прави позитивен напредок. Клучниот дел од планот е стекнувањето дополнително земјиште околу постоечката Театар на сништата бидејќи Јунајтед, иако поседува голем дел, нема доволно простор за почеток на проектот.

Железничкото складиште кое го опкружува Олд Трафорд е во сопственост на компанијата Freightliner и мора да се купи за да се ослободи простор за новиот стадион. Локалните власти му дадоа на клубот надеж дека би можеле да помогнат при купување на потребните парцели.

Градоначалникот на Манчестер, Енди Брнхам, претходно изјави дека би можеле да се применат овластувања за задолжителна купување ако преговорите со Freightliner запрат. Наводно Freightliner своето земјиште го проценува на 350 милиони фунти (403 милиони евра).