Македонската фудбалска репрезентација би можела да добие ново засилување за продолжението од квалификациите за Светското првенство 2026. Според пишувањата на албанските медиуми во земјава, постои голема веројатност дресот на „жолто-црвените“ да го облече искусниот швајцарски фудбалер со кумановско потекло – Валон Хамдиу.
Станува збор за 27-годишен играч за врска со дефанзивни карактеристики, кој моментално настапува во романската елита за екипата на Униреа.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Неговата кариера започнала во Швајцарија, каде ги носел дресовите на Винтертур, Белинцона и Шафхаузен. Хамдиу има одиграно натпревари за младата селекција на Косово, чии документи исто така ги поседува, но бидејќи нема официјален настап за сениорскиот национален тим, може да го засили составот на Македонија.
„Рисовите“ во моментов се лидери во групата Ј со 11 освоени бодови од пет меча, еден повеќе од Белгија, која има натпревар помалку. Токму Белгијците се следниот предизвик за избраниците на Благоја Милевски – дуел што ќе се игра на 10 октомври во Брисел и кој би можел да биде пресуден за амбициите во трката за директен пласман на Мундијалот.
До крајот од квалификациите Македонија ќе ги одигра уште три средби: против Белгија и Велс на гости и Казахстан дома.
Учество во игри на среќа е дозволено за лица со 18+ години. Играј одговорно!