Мајката на легендата на Реал го разобличи злобниот Перез, синот ѝ го уништи: “Никогаш не го сакал, затоа што е…”

Мари Кармен Фернандез, мајката на легендарниот голман на Реал Мадрид Икер Касиљас, тврди дека Флорентино Перез го избркал нејзиниот син од клубот и дека правел многу интриги за да го натера славниот голман да го напушти Бернабеу.

Икер Касиљас е еден од најдобрите голмани што светот на фудбалот ги има видено во изминативе 25 години. Како 18-годишен застана меѓу стативите на Реал и остана во клубот до 2015 година, кога шокантно замина од Бернабеу, иако сè уште бранеше на врвно ниво.

Многумина тврдеа дека Икер без никаква потреба беше омаловажен и избркан од клубот. Заврши во Порту каде што во 2020 година, по срцеви проблеми, ја заврши кариерата.

Нејзината мајка Мари Кармен Фернандез е огорчена на Реал Мадрид и Флорентино Перез. Тврди дека претседателот на кралскиот клуб е злобна личност која правела сè за нејзиниот син да не ја заврши кариерата во Мадрид.

“Со сето почитување кон Куртоа, Икер е најдобриот голман во историјата на Реал Мадрид. Сепак, заврши во Порту, кој е сепак трет по ранг клуб”, изјави Мари Кармен.

Мари Кармен го роди Икер во Мадрид. Денес жали што не останала во Баскија, од каде е таткото на Икер, затоа што смета дека таму клуб како Атлетик Билбао многу повеќе би се грижел за легендата.

“Одлучив да го родам во Мадрид затоа што бев поблиску до моето семејство. Сега жалам за тоа. “Икер можеше целата кариера да ја помине во Атлетико и таму би се однесувале многу подобро со него отколку во Реал Мадрид.”

“Флорентино никогаш не го сакал затоа што е низок за голман. Тој ги сака високите голмани. Беше опседнат да го донесе Буфон.”

“Мојот Икер претрпе повеќе отколку што некој може да си замисли, се справуваше со тежок притисок и беше третиран поинаку од другите. Се огрешија кон него и тоа емотивно влијаеше на мојот син.”

“Тој ја крие тагата во себе. Никогаш нема да ги сподели проблемите со другите, но ги чувствува. Го гледав со години како страда. Флорентино извлекуваше гадни работи и се однесуваше ужасно со него. Флорентино го избрка од клубот.”