Maунт: Го знам секое движење на Модриќ

Англија Европското првенство ќе го отвори со натпреварот против Хрватска на „Вембли“.

Неделниот натпревар помеѓу овие две селекции привлекува големо внимание, а пред овој дуел зборуваше фудбалерот на Челзи Мејсон Маунт.

Одличниот фудбалер истакна дека неодамна добил дрес од Лука Модриќ во натпреварот помеѓу Реал и Челзи.

„Го прашав Ковачиќ да ми „среди“ за дрес од Модриќ. Лука потоа го побара мојот во вториот меч и ми посака среќа“.

Тврди дека добро го познава Модриќ.

„Секогаш бил фудбалер на кој сум му се угледувал. Беше чудно да се игра против него. Го гледав навистина многу и му го знаев секое негово движење“, истакна Маунт.

Маунт првиот настап за Англија го имаше во 2019 година и од тогаш собра 16 натпревари и постигна четири гола.