Maнчини: Не е фер што вечерва стадионот нема да биде исполнет со Шпанци и Италијанци

Италијанскиот селектор Роберто Манчини зборуваше пред денешниот натпревар во полуфиналето во кое неговата Италија ќе се сретне против Шпанија.

Една од темите беше и тоа што властите во Велика Британија забранија влез на гостински навивачи поради ковид мерките. Поради тоа на трибините вечерва ќе бидат Англичани.

Според селекторот на Италија ваквата ситуација не е фер.

„Не е фер од Британците што нема да има Шпанци и Италијанци на трибините. Секакоја репрезентација е подобра кога игра пред свои навивачи, тоа е добро за фудбалот. Крајно некоретно е што денес стадионот нема да биде поделен на Италијанци и Шпанци“, изјави Манчини.