Mурињо по ремито: Ваков проблем имав и во Манчестер Јунајтед

Mенаџерот на Тотенхем Жозе Мурињо не беше задоволен од она што неговите играчи го прикажаа во мечот против ЛАСК во Лигата на Европа.

Спарсите во Австрија освоија само бод, ЛАСК во судиското продолжени стигна до 3:3. Мурињо смета дека проблемот бил во ставот на играчите.

„Проблем претставуваше ставот на играчите, нешто слично доживеав во Манчестер Јунајтед. Ситуацијата беше скоро исто, тогаш изгубивме два натпревари на гост во текот на групната фаза. Кога е нокаут фаза и кога ривалите се подобри и потешки, тогаш пристапот е поинаков“, изјави Мурињо.

Запрашан што научил од овој дуел португалскиот стратег изјави.

„Ништо ново. Факт е дека некои играчи не се мотивирани во групната фаза од ЛЕ. Тоа е нешто што веќе го знаевме“, додаде Португалецот.