Лудо: Ваква доминација во тенисот не се памети, бројките на Алкараз и Синер се неверојатни!

Јаник Синер и Карлос Алкараз веќе две години владеат на тениската сцена, но вакви статистики ретко кој би ги предвидел.

Од овој понеделник, Синер повторно се најде на врвот на светската ранг листа со 11.500 поени, додека Алкараз се најде веднаш зад него со 11.250.

Тенисерот кој го зазема 2174. место на АТП листата е поблизок до треторангираниот Александар Зверев отколку што е Зверев до водечката двојка, што е навистина изненадувачка информација.

Италијанецот Тобијас Костанцо Барајола Мордини, кој има 19 години, ја зазема оваа позиција на АТП ранг листата со еден поен. Разликата помеѓу него и Зверев изнесува 5.559 поени, додека разликата помеѓу Зверев и второпласираниот Алкараз е 5.690 поени.