Луди бројки: Модриќ на 40 години одиграл најмногу натпревари во кариерата!

Реал Мадрид ќе ја заврши сезоната без освоен трофеј и сите аларми се активирани.

Еден од најголемите проблеми дефинитивно беа и повредите, поради кои Лука Модриќ беше приморан да игра повеќе од очекуваното и затоа го сруши рекордот.

Тој оваа сезона одигра дури 55 натпревари, што е повеќе од кога пристигна во Мадрид. Во својата прва сезона 2012/13 одигра 53 натпревари, што му беше досегашен рекорд.

Дефинитивно е дека Карло Анчелоти не планирал толку многу да го користи Модриќ оваа сезона, а сигурно придонесе и прераното пензионирање на Тони Крос.

Модриќ има договор до 30 јуни, а сѐ уште не е познато дали Чаби Алонсо ќе реши да го задржи за уште една сезона.

Ако тоа се случи, дефинитивно ќе игра значително помалку и главно од клупата.