Лопетеги веќе не е тренер на Вест Хем, на негово место доаѓа Потер

По неколку дена преговори со новиот кандидат, Вест Хем се сети прво да му даде отказ на актуелниот тренер, Хулен Лопетеги.

Тоа што се најавуваше некое време, сега стана официјално. Клубот од источен Лондон објави дека Лопетеги повеќе не е главен тренер на тимот од Премиер лигата, но се уште не го официјализираше доаѓањето на новиот тренер.

„Чеканите“ се најдоа во непријатна ситуација на табелата. Во моментот се само на 14. позиција со само 23 бода што не беше ниту блиску до очекуваното на почетокот на сезоната. Лопетеги не ги исполни очекувањата ниту на навивачите, ниту на управата, па челниците од лондонскиот клуб решија да побараат друг тренер.

🚨⚒️ BREAKING: Julen Lopetegui has been sacked by West Ham, confirmed.

Graham Potter set to become the new head coach with contracts being checked. pic.twitter.com/ca5EuLCSG3

— Fabrizio Romano (@FabrizioRomano) January 8, 2025