Ливерпул во Барселона најде замена за стоперот кој го сака Реал Мадрид

Ливерпул има намера во зимскиот преоден рок да го доведе фудбалерот на Барселона Роналд Араухо, кој може да игра во одбрана, но и како десен бек.

Уругвајскиот репрезентативец во јануари оваа година го продолжи договорот со Барселона до јуни 2031. Бидејќи повеќе не е стандарден првотимец, промената на средината би можела да му одговара на него, но и на Каталонците, наведуваат шпанските медиуми.

Ливерпул е подготвен да понуди 50.000.000 за Араухо, а тие средства би му дошле добро на Барселона, која сé уште е во финансиски проблеми.

Араухо поголемиот дел од есенскиот дел од минатата сезона го пропушти поради повреда, а по враќањето на теренот не беше постојано во првиот тим. Ситуацијата не се подобри во новата сезона. Тренерот Ханси Флик го остави на клупа за резерви во последните три првенствени натпревари.

На Ливерпул ќе му биде потребен стопер бидејќи на крајот од сезоната веројатно ќе остане без францускиот репрезентативец Ибрахима Конате. Тој, според пишувањата на британските медиуми, одбил да го продолжи договорот, кој му истекува во јуни следната година.