Легендата на Челзи изненади со признанието: „Навивав за Арсенал“

Еден Азар не е единствениот фудбалер кој како дете навивал за еден клуб, а подоцна направил голема кариера во друг.

Славниот белгиски фудбалер го носеше дресот на Челзи цели седум сезони и во еден момент беше најдобар играч во Премиер лигата и еден од најдобрите во Европа.

Денес, кога неговата кариера во голема мера е завршена, тој откри дека неговиот омилен клуб од детството бил големиот градски ривал на Челзи.

„Кога бев дете, тимот што најмногу го гледав беше француската репрезентација. Идоли ми беа Зинедин Зидан и Тиери Анри. Тешко ми е да го признаам тоа поради мојот однос во Челзи, но навистина го сакав Арсенал во тоа време“, изјави Еден Азар и додаде: „Тие имаа и други големи играчи како Роберт Пирес, Силвијан Вилторд и Патрик Виеира, така што француските играчи беа оние што ги следев додека растев“.

Интересно е што Азар против Арсенал постигна дури седум гола во дресот на Челзи, четири во Премиер лигата.

Секако особено драги се двата гола во финалето на Лига Европа во Баку 2019 година, кога сините од Лондон ги совладаа Топџиите со 4:1.

Еден Азар освои шест трофеи како играч на Челзи, вклучувајќи две титули во Премиер лигата (2015 и 2017 година). Освои и бројни индивидуални награди и признанија, меѓу другото, во 2015 година беше прогласен за најдобар фудбалер на Премиер лигата.