Легендата на Атлетико Мадрид има тренерска кариера како од соништата – веднаш почна да освојува титули!

Многу фудбалери откако ќе ја завршат играчката кариера, решаваат да започнат и тренерска кариера, но ретки се оние што можат да се пофалат со почеток каков што има поранешниот репрезентативец на Бразил, Филипе Луис (39).

Филипе Луис ги обеси копачките во јануари 2024 година, а веднаш започна да работи како тренер во младинските селекции на Фламенго, а во септември го презеде водството на главниот тим.

🚨🇧🇷 Filipe Luís has just won his THIRD title as Flamengo coach in only 6 months in charge.

Additionally, he has lost just 1 match out of the 26 he has managed and is currently on a 24-GAME unbeaten streak.

His team kept 17 clean sheets.

[via @AtaqueFutbolero] pic.twitter.com/oOzXn35xOk

— Atletico Universe (@atletiuniverse) March 17, 2025

Неверојатно, но во последните шест месеци Луис со овој бразилски клуб освои дури три трофеи, а би требало добро да се прерови по архивата за да се најде ваков успех на еден млад стратег.

Да биде уште поимпресивно, Луис со Фламенго загуби само еден натпревар од 26 што ги водеше од клупата на овој тим, а на дури 17 натпревари овој тим не прими гол! Тие моментално се во серија од 24 натпревари без пораз.

Оваа недела Фламенго го освои Campeonato Carioca, познато натпреварување како шампионатот на Рио де Жанеиро, а во финалето во двомеч беше подобар од Флуминензе.

Во првиот натпревар Фламенго славеше со 2:1 со голови на Весли Франка и Жунињо, а во реваншот пред домашните навивачи ја одбрани таа предност и беше 0:0.

Претходно, Луис од клупата го водеше Фламенго до титулата во Суперкупот на Бразил, каде што екипата го совлада Ботафого со 3:1, а стрелци беа Бруно Енрике (двапати) и Луис Арауџо.

Тоа беше во февруари, а во ноември минатата година, само два месеца по преземањето на тренерската позиција, Луис го одведе Фламенго до титулата во Купот на Бразил, во финалето со вкупни 4:1 победувајќи го Атлетико Минеро.

Remember Filipe Luís? He is currently the coach of Flamengo and has just won his 𝐓𝐇𝐈𝐑𝐃 𝐓𝐑𝐎𝐏𝐇𝐘 in just six months 🏆🏆🏆

Flamengo are also on a 𝟐𝟒-𝐠𝐚𝐦𝐞 𝐮𝐧𝐛𝐞𝐚𝐭𝐞𝐧 𝐬𝐭𝐫𝐞𝐚𝐤 under him 🤯🇧🇷 pic.twitter.com/VZGNQsncDt

— 433 (@433) March 18, 2025

Нова сезона во Бразил започнува на крајот од овој месец, а нема сомнение дека Луис сега ќе се обиде да му донесе на Фламенго и титулата на државниот првак.

За екипата што ја води Луис играат многу познати имиња, како поранешните бекови на Јувентус, Данило и Алекс Сандро, Герсон, кој играше за Рома и Марсеј, Ерик Пулгар кој играше за Фиорентина и Галатасарај, како и Гиермо Варела, поранешен член на Манчестер Јунајтед.

Луис е најмногу познат од времето кога го носеше дресот на Атлетико Мадрид, а играше и за Челси, Ајакс и Депортиво Ла Коруња. За репрезентацијата на Бразил Луис забележа 44 настапи.

Со Атлетико беше шампион на Шпанија, а со Челси шампион на Англија. И со двата клуба ги освојуваше и куповите на овие земји, а со „Јорганџиите“ беше освојувач на УЕФА Суперкупот, и тоа два пати.