Вејн Руни, еден од најпознатите фудбалери на англиската сцена, кој доминираше низ европските фудбалски терени играјќи за Манчестер Јунајтед и англиската репрезентација, откри дека во 2004 година бил изложен на смртни закани од страна на навивачите на Евертон.
Тој премина во Манчестер Јунајтед од тимот на „Карамелите“, каде што го мина најголемиот дел од својата блескава кариера. За Манчестер Јунајтед одигра неверојатни 559 натпревари, постигна 253 гола и забележа 142 асистенции!
До кога ќе дишеме отровен воздух!? | Уште еден поткаст
Во текот на 13 години, блескавиот напаѓач го носеше дресот на „црвените ѓаволи“.
Да потсетиме, Вејн Руни освои пет титули во Премиер лигата и една во Лигата на шампионите, и во Јунајтед премина на 18 години за 27 милиони фунти.
Добивам закани за убиство. Куќата на моите родители беше вандализирана со графити и уништена. И куќата на мојата тогашна девојка, која сега е моја сопруга, исто така беше вандализирана. Во такви моменти мора да бидеш психички силен и да имаш поддршка од луѓето околу тебе, вели Вејн Руни
Заминувањето беше тежок потег бидејќи преминав во Манчестер Јунајтед, а ривалството помеѓу Ливерпул и Манчестер беше огромно. Но, секогаш ми беше важно да имам став . Знаев што сакам и како да го постигнам тоа, додаде Вејн Руни
Учество во игри на среќа е дозволено за лица со 18+ години. Играј одговорно!