Легендарниот пикадо играч опомена Хрват поради песната од култниот филм: Не знам воопшто зошто беше пуштена

Хрватскиот пикадист Ромео Грбавац испадна во првото коло на Светското првенство, кое се одржува во Лондон. Британскиот пикадист Калум Ридз беше подобар од него 3:0 во сетови. Грбавац влезе во мечот со песната Eye of the Tiger од групата Survivor.

Песната е најпозната од филмот Rocky III. Легендарниот пикадист Рејмонд ван Барневелд традиционално влегува на оваа песна, па на X го укори Грбавца. Хрватскиот играч му се јави кога ја виде оваа реакција и му се извини. Van Barneveld ја објави неговата порака.

🤨Erm ….👁️🐅

— Raymond van Barneveld (@Raybar180) December 19, 2024

“Поздрав, Барни. Оваа песна не беше мој избор и не знам зошто воопшто беше пуштена”, напиша Грбавац во инбоксот на славниот пикадист. “ОК, се ти е простено, пријателе”, одговори 57-годишниот Холанѓанец, инаку 32. играч во светот. Тој ќе се вклучи во Светското првенство дури во второто коло, каде што ќе игра во петок навечер против Велшанецот Ник Кени.

😂👍🏼 Ok all is forgiven pal pic.twitter.com/AprAfqHiCS

— Raymond van Barneveld (@Raybar180) December 20, 2024