Легендарниот Милош Теодосиќ со емотивно писмо се збогуваше од кошарката

Легендарниот српски кошаркар Милош Теодосиќ денеска соопшти дека ја заврши својата извонредна кариера.

Теодосиќ ја завршува кариерата на 39 години, а во изминатите две децении постигна неверојатни успеси. Таа своја одлука ја објави преку емотивно писмо.

“Драги пријатели, почитувани љубители и познавачи на кошарка,

Пред сè, ви благодарам за 30 години заедничка борба, уживање, радост и тага. Стигна моментот да се збогувам со дел од мојата љубов кон оваа магична игра под обрачите.

Зад мене останува многу желба, борба, одрекување. Освоени трофеи, но и изгубени финалиња. Тоа е кошарката, тоа е животот. Ништо не би променил; сè би го избрал повторно!

Благодарност до моите валевци, мојата Србија. И до сите тренери со кои имав можност да учам кошарка.

Сè уште не ја совладав целосно. Ќе продолжуваме да разменуваме знаење и искуство таа и јас. До крајот на животот. Не би издвојувал поединечни моменти, пресудни минути, најважни натпревари… Бидејќи секој од тие ‘детали’ (тренери, соиграчи) беа важни за мојата кариера.

Најголема благодарност и почит упатувам кон моето семејство. И најголемата гордост е кај нив. Во последно време, сфатив дека најголемото богатство на мојата играчка кариера е што ќе има што да покажам на децата! Само нека пораснат малку повеќе… Пред нив ќе бидам и сум – најисполнет.

Не сакам да направам лична грешка на крајот, затоа иде групна порака: Бескрајно БЛАГОДАРАМ на секој, ама буквално секој соиграч. Сите вие правевте од мене подобар кошаркар. Помнам сè”, порача Теодосиќ.