Лапорта на „слатки маки“: Барселона треба да биде меѓу Левандовски и Кејн

Легендарниот Роберт Левандовски е во последната година од договорот, но не брза со одлуката за продолжување на кариерата.

Тој зборуваше за медиумите по ремито меѓу Полска и Холандија, и секако дека неговата иднина беше едно од прашањата.

„Целосно сум смирен. Уште не знам каде ќе бидам или што ќе посакам за неколку месеци. Но, не морам да брзам, имам доволно време да размислам и да ја донесам најдобрата одлука. Наскоро ќе одлучам, но знам дека ќе зависи од многу фактори, не само спортски, туку и емоционални”, рече Левандовски.

Инаку, се шпекулира дека Барселона е подготвена да тргне по Хари Кејн, по истиот принцип како и со Левандовски – една година пред истекот на договорот со Бајерн Минхен.

Каталонските медиуми го потврдија пишувањето на англиски Гардијан дека Кејн е избран како најреална опција. Ерлинг Халанд е нереална желба на Жоан Лапорта, исто како и Хулијан Алварез, кого Атлетико Мадрид нема лесно да го пушти во редовите на големиот ривал.