Контроверзија во Шпанија: Фотомонтажа со Винисиус ги налути навивачите на Барселона и Атлетико

Ла Лига објави на YouTube компилација од најдобрите моменти на Винисиус во 2024 година, но видеото брзо стана контроверзно и беше избришано поради неуспешна фотомонтажа.

Имено, како фотографија за илустрација била искористена прославата на голот на напаѓачот на Атлетико Александер Серлот против Барселона, но наместо него е прикажан Винисиус како го слави голот околу три играчи на Барселона на земја.

Тоа е сцена која никогаш не се случила. Ако таа фотографија постои, таа е снимена за време на натпреварот меѓу Барселона и Атлетико Мадрид во сабота кога Александер Серлот во последната минута донесе победа на Атлетико, но Норвежанецот беше заменет со Винисиус што ги налути фановите на двата клуба.

La liga edita la foto de Sorloth con jugadores del Barça en el suelo y pone a Vinicius.

Creo que no saben que el resultado del Bernabéu fue un 0-4. pic.twitter.com/UiB5CYSrSp

— Som I Serem FCB (@Somhiseremfcb) December 26, 2024

“Ла Лига ја модифицира фотографијата на Серлот со играчите на Барса на земја и го заменува со Винициус. Ми се чини дека не знаат дека резултатот на Бернабеу беше 0:4”, се само некои од коментарите на Барселона на социјалните мрежи.

“Зошто Ла Лига објавува фотографија на Вини со играчите на Барселона кои лежат? Барселона го понижи Реал во Мадрид за време на последниот Класико пред два месеца”, пишуваат огорчени фанови на Барса.

Истата приказна и со „Јорганџиите“, кои, сепак, своето незадоволство го искажаа на друг начин. Официјалниот профил на клубот на Твитер ја објави оригиналната фотографија со норвешкиот центарфор, попратувајќи ја само со две зборови: “Александер Серлот”, по што навивачите на Атлетико го поздравија овој потег.

Сочувани со неисполнетите очекувања, видеото е накнадно избришано, а никому не му е јасно зошто Ла Лига направи еден непромислен потег и предизвика контроверзии.

Alexander Sørloth. pic.twitter.com/cnSYitb6QU

— Atlético de Madrid (@atletienglish) December 26, 2024