Колина криел тајна цели 23 години: Намерно ги прекршил правилата во финалето на Светското првенство во 2002 година

Познатиот италијански судија Пиерлуиџи Колина по 23 години призна дека намерно прекршил правило во легендарното финале на Светското првенство 2002 година меѓу Бразил и Германија кое се играше во Јужна Кореја и Јапонија.

Имено, Колина по секоја цена сакал да ја зачува топката од финалето па се одлучил за интересен потег.

“Тогаш досудив крај на натпреварот 13 или 14 секунди подоцна, без оглед на резултатот. Сакав да бидам сигурен дека ќе ја имам топката во рацете и дека ќе ја однесам дома”, призна Италијанецот во разговор за дневникот Ла Република.

Инаку, на сите фотографии од свечената церемонија по финалето може да се види Колина со топката во рака бидејќи буквално не се одвојуваше од неа.

Дер 64-гоџрише гестанд, дас ер дас Финале лангер лајсен лис, ум ан ден Балл цу комен. ⚽ 😅
Ди айгенвиллиге Верлaнгерунг ѐндерте абер нихтс: Детушланд фрло 0:2. 😔 Дер Италиенер гехoрте убер виле Яре хинверг цу ден беканнтен Шидсрихтерн.#SkySport #Collina pic.twitter.com/lxsFbpw4Jl

— Sky Sport (@SkySportDE) February 11, 2025

Еден од членовите на огранизацискиот тим се обиде дури да му ја одземе топката, но Колина тврдоглаво се спротивстави.

На крајот ја исполни својата голема желба и ја однесе дома топката.

Топката моментално се наоѓа во неговата теретана, а од познатото финале има и дресови на Роналдо, Кафу и Дитмар Хаман.