Легендарниот фудбалер Тиери Анри вчеравечер постигна извонреден гол од слободен удар, покажувајќи дека дури и во 47-та година од животот сè уште не ја изгубил својата “магичност”, која го одбележа низ фудбалските терени ширум светот и со која ја воодушевуваше публиката.
Анри се појави на јубилејот на Џибрил Сисе, кој се одржа синоќа во Оксер. Легенди од целиот свет се собраа за оваа ревијална средба, каде се соочија “Легенди на Оксер” против “Џибрил Сисе Ол Стар”.
Goblin Games - Индустријата за Board Games е во огромен подем! ↓↓↓
На натпреварот учествуваа икони како Дидиер Дрогба, Тиери Анри, Роберт Пирес, Клод Макелеле, Вилијам Гала и многу други, додека тренер на тимот на Сисе беше Арсен Венгер.
Тимот на Легенди на Оксер победи со резултат 8:4, но моментот на натпреварот го направи Тиери Анри, кој прво ги насмеа сите, а потоа импресионираше со својот гол од слободен удар.
Thierry Henry – Forever got it! pic.twitter.com/x8ocqitI0N
— Sxnti (@PeakSxnti) May 27, 2025
Пирес и Дрогба се подготвуваа да го изведат слободниот удар, но токму тогаш Анри им пријде “дрско” и го изведе ударот. Сепак, со величествен удар ги потсети на деновите на слава и постигна погодок. Дрогба и Пирес одобрија и заедно со него ја прославија оваа мајсторија.
Учество во игри на среќа е дозволено за лица со 18+ години. Играј одговорно!