Германскиот Билд денес ексклузивно објави детали од договорот на Хари Кејн со минхенскиот Баерн, и откри дека Англичанецот оваа зима можел да ги напушти Баварците.
Кејн во договорот со Баерн има клаузула според која во прекинот на вчерашниот трансфер период можел да замине за 80 милиони евра, но ниту еден клуб не сакал да ја искористи таа опција или не знаел за неа.
Совети од нутриционист: Вистината за исхраната! Што е најдобро за вашето здравје? ↓↓↓
Наводно ни Кејн не сакал во овој момент да го напушти Баерн, бидејќи е среќен во Минхен и сака уште да игра за германскиот гигант.
Но, Билд пишува дека клаузулата ќе биде активна и наредната зима, кога ќе биде потребно да се плати уште помал износ за еден од најдобрите напаѓачи во светот.
During the negotiations over a move to Bayern in summer 2023, a release clause was included in Harry Kane’s contract. The striker wanted a clause in case he wanted to return to England, where breaking the Premier League goal scoring record remains an attractive task for him.… pic.twitter.com/tfqIOkAolv
— Bayern & Germany (@iMiaSanMia) February 4, 2025
Тогаш откупната клаузула ќе изнесува 65 милиони евра, а Баерн така се соочува со заминувањето на главната ѕвезда, на која, многумина сметаат, сега ѝ се отворени вратите за враќање во Премиер лигата, каде што претходно играше за Тотенхем.
Тотенхем го продаде Кејн на Баерн за 95 милиони евра летото 2023 година, а оттогаш Англичанецот на 72 натпревари постигна 70 голови и запиша 22 асистенции.
Како што тврди Билд, во Баерн веќе се подготвуваат за заминувањето на Кејн па неодамна преговарале со челниците на РБ Лајпциг за трансферот на Словенецот Бенџамин Шешко.
Учество во игри на среќа е дозволено за лица со 18+ години. Играј одговорно!