Капитенот на Јувентус заминува од Торино, познат новиот клуб

Иако имаше договор со Јувентус до крајот на сезоната, капитенот на “старата дама” Данило доби “чисти документи” и ќе го напушти Торино.

Искусниот дефанзивец не беше во плановите на тренерот Тијаго Мота, а веќе е јасно каде ќе ја продолжи кариерата.

Нов клуб на Данило ќе биде бразилскиот Фламенго, што значи дека 33-годишникот се враќа во татковината. Договорот ќе биде потпишан на две години, а поранешниот фудбалер на Реал Мадрид и Манчестер Сити се враќа во Бразил по 14 години поминати во странство.

Данило оствари одлична кариера во Европа. Тој беше двократен европски шампион со Реал Мадрид, освојувајќи ја англиската Премиер лига во дресот на Манчестер Сити, Серија А со Јувентус и првенството на Португалија како играч на Порто.