Македонскиот одбојкарски капитен, Никола Ѓорѓиев, ќе има нов клуб во наредната сезона – искусниот репрезентативец кариерата ќе ја продолжи во романскиот прволигаш Рапид Букурешт.
Преселбата во Романија тој ја потврди преку социјалните мрежи, нагласувајќи дека токму ова ќе биде деветтата различна земја во која ќе настапува во богатата интернационална кариера.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„Во мојата 21 интернационална сезона ќе играм за екипата на Рапид Букурешт од Романија. Ќе биде ова деветта земја во мојата интернационална кариера и едвај чекам да ги запознаам моите нови соиграчи, тренери, фанови и заедно да се бориме да освоиме трофеи за овој прекрасен клуб. Нека биде Бог со нас“, напиша Ѓорѓиев.
Досега, освен во татковината и сега во Романија, Ѓорѓиев има играно и во Србија, Италија, Турција, Јапонија, Полска, Германија и Словенија.
Учество во игри на среќа е дозволено за лица со 18+ години. Играј одговорно!