Жоао Кансело би можел повторно да заигра во голем клуб. Ал Хилал е подготвен да го продаде и Симоне Инзаги не смета на него, но Португалецот не жали многу. Тој сака да заигра во најсилните лиги во Европа, а според последните информации за него се заинтересирани – Барселона и Интер.
Каталонците имаат потреба од засилување во одбраната, не е невозможно Кансело да биде алтернатива на десен и лев бек, бидејќи Жерар Мартин станал стопер, а исто така во срцето на одбраната по потреба може да игра и Жил Кунде.
Street Workout Macedonia – Движење што гради сила, карактер и издржливост | Уште еден поткаст
Во тој случај, Кансело може да биде солидна опција во ротацијата и решение за помалку важни натпревари. Португалецот веќе настапуваше за Барса, како позајмен играч од Манчестер Сити во сезоната 2023/24, по што беше продаден на Ал Хилал за 25.000.000 евра.
Интер исто така покажа голем интерес за Кансело, особено по повредата на Дензел Дамфрис. Холанѓанецот очекува подолга пауза, затоа Интер гледа на поволни решенија, како што е Кансело.
Интересно е што Кансело порано играше и за Интер, како позајмен играч од Валенсија во сезоната 2017/18.
Учество во игри на среќа е дозволено за лица со 18+ години. Играј одговорно!