Како Роналдо ги троши своите милиони – приватен авион, луксузни часовници и вили низ светот

Кристијано Роналдо неодамна потпиша нов договор со клубот Ал-Наср, со што го обезбеди статусот на најплатена фудбалска ѕвезда во светот.

Португалецот сега заработува неверојатни 167,9 милиони фунти по сезона, со дополнителен приход од клупското сопствеништво, со што неговото богатство надминува 500 милиони фунти.

Со такви приходи, Роналдо живее живот за кој многумина можат само да сонуваат. Неговите луксузни трошоци вклучуваат приватни авиони, вили, часовници и неверојатна колекција на автомобили.

Откако ги помина првите неколку месеци во Саудиска Арабија во хотелот „Four Seasons“, каде најскапиот апартман чини 250.000 фунти месечно, Роналдо во 2024 година конечно купи вила во елитната населба Ал Мухамадие.

Сепак, оваа резиденција е само една од многуте недвижности во негово сопствеништво.

На португалската ривиера гради вила која би требала да биде една од најскапите во државата.

Роналдо поседува и две луксузни недвижности во Лисабон, вклучувајќи го и најскапиот пентхаус во државата, како и реновирана вила на Мадеира, во вредност од 7 милиони фунти.

Во Мадрид е нешто поскромен, па изнајмува луксузна вила во Ла Финца, додека на шпанскиот брег поседува вила со базен и поглед на Средоземното море.

Во Дубаи, Роналдо е сопственик на мегавила на островот Џумеира Беј, која вклучува приватна плажа, гаража за седум автомобили и спа центар.

Додека неговата резиденција во Алдерли Еџ, во Англија, моментално се продава по цена од 4,9 милиони фунти, се истакнува со импресивни содржини како базен, тениско игралиште и домашно кино.

Роналдо е познат и по својата љубов кон луксузните часовници. Неговата колекција вклучува часовници вредни од 18.800 фунти до дури 1,4 милиони, со посебни модели адаптирани на неговиот вкус.