Финалето на МЛС, најеминентната фудбалска лига во Северна Америка, е закажано за утре, со што ќе се соочат Интер Мајами и Ванкувер Вајткапс, што буди доста спомени.
Како во најдобрите денови, на спротивни страни ќе бидат Лионел Меси и Томас Милер. Овие двајца фудбалски џинови водеа епски битки на европските терени, а сега ги доведоа своите тимови до финалето на МЛС.
Како екраните влијаат на детскиот развој? Разговор со дефектолог
Ванкувер во полуфиналето го победи Сан Диего со резултат 3:1, додека Интер Мајами го совлада Њујорк Сити со импресивни 5:1.
Вистински херој на Ванкувер е Томас Милер, легенда на Баерн и Германија, кој има огромно искуство во вакви натпревари. На прес-конференцијата тој изрази колку му значи ова ново финале во кариерата.
„Кога гледам назад, задоволен сум што веќе го постигнав сето ова. Имам многу искуства од финалните натпревари и беше навистина забавно, но тоа не е важно за сабота. Ова е нов натпревар“, вели Милер и продолжува:
„Секогаш имам самодоверба да победам некого или да се натпреварувам како тим и како индивидуалец. Не ми треба мојата историја за да бидам самоуверен, а истото важи и за останатите момци кои двапати го победија Интер Мајами сезонава. Што значи тоа? Ви дава малку позитивно чувство, но натпреварот се одлучува на теренот в сабота“, додаде тој.
Дуелот меѓу Ванкувер и Интер Мајами е закажан за сабота во 20:30 на стадионот Чејс во Форт Лодердејл.
Освен Меси, Интер Мајами ќе го поддржат неговите поранешни соиграчи и легенди како Луис Суарез, Жорди Алба, Серхио Бускетс, како и аргентинскиот херој Родриго де Пол.
Интересно е што ова ќе биде последниот натпревар во кариерата на Жорди Алба, бидејќи официјално се повлече од фудбалот.
Учество во игри на среќа е дозволено за лица со 18+ години. Играј одговорно!