Kуман по поразот од Гранада: Тежок удар, разочарани сме

Барселона вчера направи голем кикс во борбата за титулата и дома беше поразена од Гранада со 1:2.

Ова беше можност Барселона да се искачи на врвот на табелата, меѓутоа Каталонците ја пропуштија. Барселона водеше после првото полувреме, но во второто прими два гола и остана без бодови.

Роналд Куман секако после натпреварот беше разочаран.

„Ова е навистина тежок удар, разочарани сме, меѓутоа од утре мораме да продолжиме напред за да ги добиеме преостанатите пет натпревари. Сега ситуацијата не зависи од нас, истото важи и за другите. На полувреме зборувавме да внимаваме на одбраната, но не го направивме тоа. Ни недостасуваше концентрација и тоа не чинеше пораз“, смета Куман.