Јокиќ се пошегува по бруталното забивање на Гордон: Дали беше импресивно?

Центарот на Денвер Нагетс, Никола Јокиќ, се пошегува на сметка на својот колега од тимот, Арон Гордон, кој приреди спектакуларно забивање во натпреварот против Голден Стејт.

Нагетс ги совладаа Вориорс со убедливи 129:104, а еден од врвните моменти на мечот беше токму забивањето на Гордон.

Во средината на третата четвртина, Гордон го напаѓаше кошот на Голден Стејт и незапирливо заработи забив над Поста.

AARON GORDON, ARE YOU SERIOUS?!?

This crossover-poster slam combo was the stuff of video games 🤯🕹️

🏆 GSW-DEN • West Group C
📺 @emirates NBA Cup on Prime: https://t.co/XdHc2HIly1 pic.twitter.com/jp6OtouAgj

— NBA (@NBA) November 8, 2025

По натпреварот, новинарите го потсетиле Јокиќ на забивањето, но тој само се насмеал и по кратка пауза од околу 15 секунди одговорил: “Навистина не се сеќавам”. Потоа го праша Гордон: “Кога забиваше?”

“Дали беше импресивно”, праша Јокиќ одново, и тоа по реакцијата на новинарите дека снимката е секаде на социјалните мрежи.

Кога му ја покажале снимката на телефонот, Јокиќ изјави: “Бев слободен”.