Никола Јокиќ продолжува да ги тероризира противничките одбрани. Српскиот ас го предводеше Денвер Нагетс до убедлива победа над Минесота Тимбервулвс (127:114) во Минеаполис, забележувајќи го својот трет трипл-дабл во само три натпревари од новата НБА сезона.
Јокиќ го заврши натпреварот со 25 поени (шут 9/10 од игра), со 19 скокови и 10 асистенции, уште еднаш потврдувајќи дека е во врвна форма и дека планира да го диктира темпото и оваа сезона во лигата.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Денвер го реши натпреварот во третата четвртина, која ја доби со дури 45:28. Во тој период блескаше и Џамал Мареј, кој постигна 23 од вкупно неговите 43 поени, со четири погодени тројки. Тим Хардавеј Џуниор со 20 поени и Пејтон Вотсон со 12, се единствените кои постигнаа двоцифрени поени кај Нагетс.
Нагетс сега имаат скор 2:1, а новиот трипл-дабл на Јокиќ е само уште еден доказ дека е кандидат за МВП веќе од стартот на сезоната. Минесота (2:2) ќе мора брзо да најде начин да се стабилизира дефанзивно, особено додека Едвардс не е подготвен за враќање.
Учество во игри на среќа е дозволено за лица со 18+ години. Играј одговорно!