Jaмал повлечен од репрезентацијата, конфликтот помеѓу Барса и Шпанија станува поголем!

Фудбалерот на Барселона, Ламин Јамал, е повлечен од списокот на репрезентацијата на Шпанија за натпреварите против Грузија и Турција.

Шпанците го истакнаа приоритетот на здравјето, безбедноста и благосостојбата на играчот, одлучувајќи да го ослободат Јамал од моменталната обврска со националниот тим.

„Медицинските лица на Шпанската фудбалска федерација изразија изненадување и непријатност откако на 10-ти ноември, денот на почетокот на официјалниот тренинг-камп, во 13:47 часот беа известени дека Ламин Јамал, таа исто утро, бил подложен на инвазивен радиофреквентен третман за лекување на болка во пубичната област“, се наведува во соопштението и се додава:

„Овој зафат беше спроведен без претходна комуникација со медицинскиот тим на репрезентацијата, а деталите беа соопштени само преку извештај примљен во 22:40 часот, во кој се препорачуваше седмодневен до десетдневен одмор.“

Федерацијата додаде дека, „имајќи го предвид здравјето и безбедноста на играчот“, Јамал нема да биде дел од тимот за претстојните натпревари и му посака брзо опоравување.

Оваа ситуација дополнително ги заостри веќе затегнатите односи меѓу Барселона и репрезентацијата на Шпанија. Според извештаите од Шпанија, внатре во Федерацијата има големо незадоволство оти клубот одлучи да изврши третман без консултации со репрезентативните лекари, иако беше познато дека тоа ќе го спречи учеството на Јамал во националниот тим.

Се потсетуваме, конфликтот меѓу Барселона и селекторот Луис де ла Фуенте трае уште од септември, кога тогашниот тренер на Барса, Ханси Флик, ја критикуваше Федерацијата за начин на кој се постапуваше со младиот офанзивец, тврдејќи дека не е доволно заштитен од физичка преоптовареност.

Ламин Јамал веќе пропушти претходен повик на репрезентацијата поради физички проблеми, а сега, откако без проблеми настапуваше за Барса, повторно се најде во фокус на нова контроверзија.

Со оглед на оваа ситуација и секогаш нагласувајќи ги здравјето, безбедноста и благосостојбата на играчот, Шпанската фудбалска федерација одлучи да го ослободи фудбалерот од моменталниот повик во репрезентацијата.