Jувентус веќе започнал преговори за враќање на Погба?

Како што сега стојат работите Пол Погба ќе го напушти Манчестер Јунајтед на крајот на сезоната по истекот на договорот.

Вториот мандат на 28-годишниот Французин на „Олд Трафорд“ не ги исполни во целост очекувањата. Погба понекогаш знае да покаже само што може, а ниту „црвените ѓаволи“ не блескаа.

Договорот на Погба важи до крајот на оваа сезона, засега договор за нова соработка нема. Се погласни се најавите дека ќе си замине од клубот, а италијанските медиуми пренесуваат дека би можел да се врати во Италија.

„Газета дело Спорт“ пренесува дека преговорите за враќање на Погба во Јувентус веќе се започнати и клубот од Торино планира да го врати Французинот. Тренерот Масимилијано Алегри наводно лично ќе разговара со Поигба.

Кога е финансискиот аспект во прашање Јувентус е спремен да му понуди основна плата од седум ипол милиони евра со можност преку бонуси таа да биде поголема. Погба во претходните години често зборуваше дека сака да се врати во Торино, таму веројатно го играше и најдобриот фудбал во периодот од 2012 до 2016 година.