Изненадување: Македонец ќе биде нов тренер на Партизан?!

После поразот од Мачва во Купот на Србија и од Чукарички во Супер лигата, Партизан го замени тренерот Срѓан Благојевиќ.

Црно-белите, само еден ден по поразот на Баново брдо, најавија разделба со Благојевиќ, а клубот сега до паузата за репрезентативни активности ќе го води дуото Марко Јовановиќ – Ѓорѓије Ќетковиќ.

Веќе се појавија информации кој би можел да седне на тренерската позиција на тимот од Хумска, од Црна Гора пристигнуваат вести дека кандидат за оваа улога е Виктор Треневски.

Во Србија тој можеби не е толку познат стручен кадар и нема впечатлива кариера, но сепак, го поврзуваат со Партизан.

Треневски ја започна својата тренерска кариера во Словенија, каде што ги водеше Малечник, а потоа Вержеј и Заврч, за подоцна да премине во Црна Гора, каде што го тренираше Дечиќ.

Треневски кој е роден во Скопје и има 53 години, бил и на чело на екипите на Работнички, Ком, Драва од Птуј, Грбал и Партизан од Бар./p>

Порталот „cgfudbal“ истакнува дека Треневски оваа лето бил блиску до тренерското место на Будуќност, познат е по работа со млади и талентирани фудбалери кои подоцна напредувале во исклучителни играчи.