Нигериецот Адемола Лукман (27) е избран за најдобар африкански фудбалер во 2024 година. Напаѓачот на Аталанта ја прими наградата на манифестацијата на Африканската фудбалска конфедерација во Маракеш. Нигериецот постигна три гола за Аталанта во победата на Аталанта против Бајер Леверкузен (3:0) во финалето на Лига Европа, а минатата сезона за ломбардискиот клуб постигна вкупно 17 гола. Во тековната сезона има 11 гола.
Во финалето на изборот за најдобар африкански фудбалер се најдоа и Мароканецот Ашраф Хакими (Парис Сен-Жермен), Гвинејецот Серу Гираси (Борусија Дортмунд), Симон Адингра (Брајтон) од Брегот на Слоновата Коска и јужноафриканскиот голман Ронвен Вилијамс (Мамелоди Сандаунс). Победниците ги избираат тренерите и капитените на репрезентациите.
Патот на Македонија до СП 2026!? Никогаш не било полесно! ↓↓↓
Лукман е роден во Лондон, а неговите родители се од Нигерија. Играл за Чарлтон, Евертон, РБ Лајпциг, Фулам и Лестер Сити пред да потпише за Аталанта во 2022 година. Минатогодишниот освојувач на титулата најдобар играч на Африка беше Нигериецот Виктор Осимен, тогашен играч на Наполи, а сега на Истанбулскиот Галатасарај.
Учество во игри на среќа е дозволено за лица со 18+ години. Играј одговорно!