Ивановски со пресврт до четвртфинале во Загреб!

Најдобриот македонски тенисер, Калин Ивановски, се пласира во четврт-финалето од фјучерс-турнирот во Загреб, откако по голема борба во три сета го совлада Србинот Душан Обрадовиќ (2-6, 6-2, 6-1).

Ова е значаен триумф за нашиот тенисер, со оглед што противникот беше речиси двојно подобро рангиран на АТП листата (897-585) и втор во низа во хрватската престолнина. Ивановски лошо почна, па по освоениот прв гем од мечот потоа ги загуби следните пет гема, што значеше губење на првиот сет. Но, Македонецот потоа заигра подобро и до крајот му препушти само три гема на српскиот тенисер.

Негов следен противник е домашниот натпреварувач Вито Тонејц, кој е 1.155-ти тенисер во светот, што е голема шанса за нашиот Калин за пласман во полуфиналето.