Интер е подготвен за револуција

Фудбалерите на Интер оваа сезона доминираат во Серија А и се на чекор од нова титула шампиони.

Под водство на тренерот Кристијано Чиву, Нераѕурите имаат предност од седум бодови пред Наполи, додека Милан заостанува девет бодови.

Седум кола пред крајот јасно е дека Интер држи сè во свои раце.

Чиву може да добие нов, подобрен договор. Покрај тоа, се подготвува и тактичка промена, која се чини како “револуција”.

Досегашниот систем 3-5-2 би можел да биде заменет со формацијата 4-3-2-1.

Нагласокот ќе биде на висок пресинг и енергија на помладите играчи. Таквиот пресврт подразбира и сериозни промени во играчкиот кадар.

На излезната врата би можел да се најде Алесандро Бастони, за кого се очекува заработка од над 50 милиони евра.

Покрај него, споменуваат се и заминувања на искусни имиња како Јан Зоммер, Франческо Ачерби, Стефан де Вриј, Матео Дармиан и Хенрих Мхитарјан.

Листата на потенцијални заминувања тука не завршува. Клубот би можеле да го напуштат и Дензел Думфрис, Давиде Фратеси, Луис Енрике, како и Хакан Чалханоглу.

Во центарот на новата визија се наоѓа и хрватскиот репрезентативец Петар Сучиќ. Младиот играч од средниот ред ужива голема доверба на тренерот и се очекува да задржи важна улога. Планот е да биде дел од “тројката” во средниот ред.

Интер дополнително сака да ја зајакне таа линија, а едно од имињата што се споменуваат е Ману Коне од АС Рома.

Сучиќ стигна во клубот минатото лето од Динамо Загреб за 14 милиони евра плус бонуси.