Интер договори засилување од Франција

Интер постигнал договор со Ленс за доведување на играчот од средниот ред Анди Диуф за 20+5 милиони евра, пренесува “Скај Спорт Италија”.

Оваа недела францускиот играч ќе патува за медицински прегледи, по што ќе потпише петгодишен договор.

Договорот за трансферот на Диуф беше постигнат откако Интер не успеа да го привлече неговиот сонародник од Рома, Ману Коне. Од друга страна, претходно ова лето Ленс одби понуди од Наполи и клубови од Премиер лигата со вкупна вредност од 20 милиони евра. Играчот од средниот ред е младински репрезентативец на Франција и минатото лето освои сребрен медал на Олимписките игри во Париз.

Диуф е дел од Ленс од летото 2023 година, кога Базел плати 14 милиони евра за него. Оттогаш до сега има одиграно вкупно 68 натпревари со 2 гола и 2 асистенции за клубот од Лига 1.