Инцидент пред мечот од ЛШ: Холандската полиција приведе 180 навивачи на Наполи (Видео)

Полицијата во Ајндховен приведе 180 навивачи на Наполи поради страв од нереди пред вечерниот натпревар во Лигата на шампионите.

ПСВ и Наполи играат вечерва од 21 часот во Ајндховен, а полицијата од тој град соопшти дека привела навивачи на италијанскиот тим и ги префрлила со автобус во полициската станица на испрашување, “затоа што нивното однесување доведе до немири”.

Исто така, приведени се и четворица навивачи на ПСВ на друга локација во градот. Градските власти го прогласија вечерашното соочување за натпревар со висок ризик.

Надлежните минатата седмица направија зона со безбедносен ризик во центарот на градот и околу стадионот на ПСВ, поради страв од судири меѓу навивачи. Полицијата со тоа доби дополнителни овластувања да ја набљудува и контролира толпата и да ги претресува навивачите поради оружје и пиротехника.

ПСВ во првите две кола од Лигата на шампионите освои еден бод, а Наполи има три.

Навивачите на Наполи беа уапсени синоќа во Ајндховен откако бараа локални навивачи.

Полицијата денеска им забранува да влезат на стадионот.

Да се потсетиме дека навивачите на ПСВ се пријатели со навивачите на Интер и заедно со оние на Наполи со навивачите на Феенорд.

ПСВ – Наполи. #ChampionsLeague pic.twitter.com/1gKpjlsaq8

— ULTRAS 𝕳 PRESENT (@UltrasPresent) October 21, 2025