„Императорот“ Терим пред ангажман во Саудиска Арабија!

Легендарниот турски тренер Фатих Терим наскоро би можел да добие нова работа.

Иако е во осмата деценија од животот, не планира да ја заврши тренерската кариера, а по заминувањето од Панатинаикос сега е пред нов ангажман.

Станува збор за тим што се натпреварува во Саудиска Арабија, Ал Шабаб.

Терим живее во Бодрум и навива за Бодрумспор, а според пишувањата од Турција, многу е блиску до потпишување договор со Ал Шабаб, кој моментално е на шестата позиција во шампионатот.

“Императорот”, како што го нарекуваат, најголемите успеси во кариерата ги постигна со репрезентацијата на Турција, со која играше полуфинале на Европското првенство, додека со Галатасарај освои Куп на УЕФА и подоцна Супер куп на Европа.