Има ли проблем меѓу Салах и Трент?

Напнатост меѓу Мохамед Салах и Трент Александер-Арнолд како да се појави за време на тренингот на Ливерпул во понеделникот. Дел од тренингот беше отворен за медиумите и тие станаа сведоци како еден момент двајцата фудбалери се упатија еден кон друг.

Напаѓачот се смее цело време, како и многу од нивните соиграчи, но бекот има сериозен израз на лицето. Ибрахима Конате и Харви Елиот ги одвојуваат двајцата фудбалери.

Овој настан се случува во пресрет на реваншот од осминафиналето во Лигата на шампионите против Пари Сен Жермен, кој е во вторникот вечерта.

И Салах и Трент се со договори кои истекуваат, и има голема веројатност да заминат во летниот период.