Според најновите информации, се чини дека Хартс излегува како победник во заплетот околу Роџерс Мато, а најдобриот стрелец на Вардар најверојатно ќе ја продолжи кариерата во Шкотска.
Откако вчера Хартс јавно објави дека постигнал договор со Мато, денеска од таборот на Вардар информираа дека прифатиле понуда од Спортинг Канзас Сити од МЛС лигата. Сепак, американскиот клуб брзо ја расчисти дилемата и потврди дека се повлекува од трката за потписот на напаѓачот.
До кога ќе дишеме отровен воздух!? | Уште еден поткаст
„Спортинг Канзас Сити ја разгледуваше можноста за трансфер на Роџерс Мато, но тој одлучи да потпише преддоговор со Хартс и му посакуваме сѐ најдобро во иднина“, соопштија од американскиот клуб во изјава за „Единбург њуз“.
Дека договорот е веќе потпишан, потврди и портпаролот на шкотскиот клуб.
„Имаме потпишан договор со играчот и сме целосно смирени околу ситуацијата“, изјави портпарол на Хартс.
Доколку не дојде до неочекуван пресврт, Роџерс Мато ќе го облече дресот на Хартс по завршувањето на тековната сезона.
Учество во игри на среќа е дозволено за лица со 18+ години. Играј одговорно!