Хамес во потрага по нов клуб – има два фаворити за неговиот потпис!

По само четири месеци, Рајо Валјекано и Хамес Родригес ја прекинаа соработката.

Сега се чека нов клуб за поранешниот фудбалер на Реал Мадрид и еден од најскапите играчи на тој клуб, има неколку понуди на масата, а можеби најдобрата е од Колумбија каде што би можел да стане најплатениот играч на таа земја.

Жуниор му нуди плата од 300.000 долари месечно, што е повеќе од Радамел Фалкао кој во Милионариос има нешто помалку.

Инаку, Родригес имаше 4 милиони евра годишна плата во Рајо, но одигра само 7 натпревари за тој тим, иако беше најплатениот.

Од друга страна, неговиот поранешен клуб, Банфилд, исто така го сака во своите редови, тие се подготвени да му понудат договор до декември 2026 година, што исто така е примамливо за Колумбиецот.