Халанд наскоро станува најплатен играч во Европа

Манчестер Сити сака што побрзо да потпише нов договор со првата ѕвезда во тимот, Ерлинг Халанд.

Халанд има уште три години договор со „граѓаните“, но и откупна клаузула од 175 милиони евра.

Норвежанецот постигна дури 105 голови на 114 настапи за „граѓаните“, а премиерлигашот му подготвува богат договор.

Англиските медиуми пишуваат дека Манчестер сити сака да го направи Халанд најплатен во европскиот фудбал, а притоа да му вметне откупна клаузула вредна 200 милиони евра.

Халанд во моментов заработува 375.000 фунти неделно, исто колку Де Брујне, но Сити ќе го направи далеку најплатен фудбалер во Премиер лигата.