Гвардиола за жребот во ЛШ: Колку почесто играш против најсилните, толку подобро

Менаџерот на Манчестер Сити Жосеп Гвардиола не изгледа вознемирен што повторно ќе мора да ги одмери силите со Реал Мадрид во Лигата на шампионите.

Двата тима се паднаа еден против друг во осминафиналето на натпреварувањето. Ова ќе бидат натпревари број 10 и број 11 помеѓу двата клуба во последните пет сезони на натпреварувањето.

“Колку почесто се соочуваш со најдобрите тимови во историјата на турнирот, толку повеќе учиш за да бидеш подобар во иднина. За нас тоа е важно”, изјави Пеп.

Паралелно со тоа, Сити продолжува да го брка Арсенал во Премиер лигата. Досега на својата сметка Гвардиола има шест титули со клубот од „Етихад“, првата е од 2017/18. Во исто време, за неговиот колега на чело на „топчиите“, Микел Артета, ова би било првиот триумф во првенството. Пеп беше запрашан каков бил притисокот врз него на патот кон првото злато во Премиер лигата. “Не се сеќавам, не сум тука за да давам совети на Микел”, одговори Шпанецот.